Aðalfundur hjá Autismufelagnum 2017

Leygardagin 11. mars 2017 kl 9.30, á Parnassinum á Hotel Hafnia

Góðu limir!
Boðað verður frá, at aðalfundur felagsins verður leygardagin 11. mars kl 9.30 á Hotel Hafnia, Tórshavn.

Skrá fyri dagin:

09.30: Vit møtast til ein góðan morgunmat
10.00: Fyrilestur, nærri lýsing av hesum seinni
11.30: Aðalfundur sambært viðtøkum felagsins
12.30: Lætt ábit

Aðalfundurin er bert fyri limir.

Ert tú ikki limur, ber til at melda teg inn í felagið á leinkjuni niðanfyri:

http://www.autismeforening.dk/indmeld2.aspx?aid=&u=388&sid=388&linkId=5

Vinarliga boða frá luttøku á tlf 509031 ella á teldupost autisma@autisma.fo, í seinasta lagi 9. mars kl 12.00.

Skráin fyri aðalfundin er hendan:

1. Val av orðstýrara
2. Formansfrágreiðing
3. Kassameistarin leggur fram grannskoðaðan roknskap
4. Viðgerð av møguligum innkomnum uppskotum frá limunum
5. Viðgerð av møguligum innkomnum uppskotum frá nevndini
6. Val av nevndarlimum
7. Val av grannskoðara
8. Ymiskt

Hesaferð eru 3 nevndarlimir, sum standa fyri vali, og eru tað Heidi Aagaard, Heidi Vatnsdal og Kaj Wacher. Heidi Aargaard tekur við afturvali. Heidi Vatnsdal og Kaj Wacher stilla ikki upp aftur til nevndina. Tað stendur einum og hvørjum í boði at koma við uppskoti til nevndarlimir.

Uppskot til valevni, saman við játtan frá valevnunum, skulu vera forkvinnuni í hendi í seinasta lagi leygardagin 25. februar 2017, á autisma@autisma.fo

Við vón um góða undirtøku til aðalfundin

Vinarliga

Vegna nevndina í Autismufelagnum
Heidi Aagaard, forkvinna
Tlf 509031 – autisma@autisma.fo

Vælkomin á heimasíðuna hjá Autismufelagnum.

Hevur tú, ella onkur, ið tú varar av, fingið staðfest autismu, ert tú vælkomin at seta teg í samband við okkum.

Autismufelagið er áhugafelagið hjá teimum, sum hava autismu, á einhvønn hátt vara av fólki, ið bera brekið autisma, ella hava einhvønn áhuga fyri autismu, og ynskja at stuðla felagnum.

Ynskir tú at gerast limur, verður hetta gjørt við skráseting á hesum leinki. Árliga limagjaldið er 350 kr. Øll eru vælkomin at gerast limir.

Endamálið við Autismufelagnum er:
- At upplýsa um autismu og teir trupulleikar, ið brekið viðførir.
- At umboða fólk við autismu mótvegis samfelagnum og stovnum.
- At virka fyri at sett verða á stovn neyðug tilboð og stovnar, so tilvera teirra gerst trygg.
- At fylgja við gransking og viðgerð.
- At skapa samband millum avvarðandi at fólki við autismu